Moratoria de alugueiros nos pisos municipais en situación vulnerable

O Concello fixo público hoxe que aplicará, como entidade pública de vivenda, a moratoria da débeda arrendaticia regulada no Real decreto-lei do 31 de marzo, a aquelas e aqueles inquilinos de pisos de titularidade municipal que se atopan nunha situación de vulnerabilidade económica a raíz do confinamento polo Covid-19.

Segundo establece a norma, a Concellería de Vivenda concederalles a prórroga no pago ás persoas que a soliciten no prazo dun mes desde a súa entrada en vigor e que acrediten ademais a súa situación crítica como consecuencia da emerxencia sanitaria actual.

Así mesmo, amplía o dereito a solicitaren a moratoria a aqueles inquilinos e inquilinas que conten con contratos de alugueiro anteriores ao 1 de xaneiro de 1995, data da entrada en vigor da Lei de arrendamentos urbanos. Para poder beneficiarse do dereito, deberán encontrarse igualmente en situación de vulnerabilidade económica e acreditalo. Toda esta información está subida no BOE (Boletín Oficial do Estado) desde a semana pasada.

Dado que os rexistros municipais están pechados en aplicación do protocolo asinado o 15 de marzo canto ao funcionariado e co fin de lle facilitar á cidadanía o procedemento, esta poderá achegar os documentos esixidos telematicamente ou remitindo un correo electrónico a rehabilitaciónvivenda@coruna.es, con independencia de que posteriormente se lle requiran os documentos para comprobalos ou emendalos.

O concello é propietario de 410 vivendas, bens de carácter patrimonial que ten alugados ou cedidos na súa maior parte.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s