‘Acompáñote’ atendeu a case 400 maiores

O Concello atendeu un total de 378 chamadas desde que o 31 de marzo se puxo en marcha servizo da liña de atención telefónica Acompáñote. Esta iniciativa da Concellería de Benestar Social xurdiu co fin de que as persoas que viven soas poidan levar mellor este tempo de confinamento. O Concello explica que non se trata dun teléfono de urxencias nin de información sobre o Covid19, senón de acompañar a aquelas persoas maiores que carecen de soporte familiar ou social ou non teñen acceso aos contidos dixitais e queren conversar un anaquiño con alguén.  A liña gratuíta 900 920 500 é atendida por 31 voluntarios que falan con quen o necesite durante a corentena na casa. Entre as persoas voluntarias, hai psicólogos por se algunha das persoas precisar dunha atención máis profesional.   

Desde a concellería, lembran que o horario de atención é das 10.00 ás 21.00 horas. Durante o día, organízanse quendas para que a central redirixa a chamada a unha das persoas que estean operativas nese momento. Ademais, desde o servizo de atención cidadá 010 reconducen aos voluntarios do servizo as chamadas de quen queira contactar con esta liña.  

Por outra banda, a partir de agora serán as persoas voluntarias as que chamen as/os maiores, naqueles casos en que así o soliciten. Esta medida articúlase porque se recibiron chamadas de familiares para explicar que moitos dos seus maiores que viven sos teñen problemas para utilizaren o teléfono.  

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s