A Cámara de Comercio da Coruña elevou á Secretaría de Estado, a través da Camara de España, a petición dunhas normas que regulen a desescalada do confinamento no comercio minorista. A entidade quere que o pequeno comercio “coñeza con suficiente antelación os requerimentos que deberá cumprir para a reapertura dos negocios”.

A primeira xuntanza das comunidades co Goberno terá lugar mañá, martes 28 de abril. Dentro do grupo de desescalada creado polo Goberno e dirixido pola vicepresidenta 4a, Teresa Ribera, incorporouse un representante de cada comunidade para participar na análise do plan gobernamental, informa a Cámara.