Hortos urbanos: unha fiestra á natureza

O concelleiro de Educación, Jesús Celemín, visitou esta mañá o Colexio San Pedro de Visma para supervisar os traballos realizados polo concello co obxectivo de que a rapazada poida contar cun espazo para aprender a cultivar os seus propios alimentos. Neste caso, os escolares de 6.º de Educación Infantil, acompañados da súa profesora, sementaron amorodos. O concello, a través do Servizo de Educación, preparou o horto para facilitarlle o traballo á comunidade educativa moi vinculada a temas ambientais. Os traballos realizados inclúen, ademais da preparación do terreo e a instalación de bancais, a creación dun carreiro dos sentidos onde a cativada poderá descubrir a través dos sentidos os distintos tipos de plantas.

O edil felicitou o alumnado e a dirección do centro polas actividades que levan a cabo no colexio sobre educación ambiental e ecolóxica. Celemín comprobou como cada clase coida dos seus propios hortos onde ademais teñen galiñas. O responsable municipal destacou o valor dos hortos urbanos como ferramenta educativa e a importancia que ten a educación ao aire libre, con espazo e, ao mesmo tempo, aprendendo hábitos de alimentación saudable.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s